以前也有見過不同風格的大鐵人17玩具和首辦模型 , 有硬直線條的原祖超合金及珍寶大膠 , 以至近期較為接近片中造型的Zeem 60cm大膠 , 當中有些可以變型 , 有些如浪曼堂可以像12" figure般可動 , 各款皆有其獨特之處 , 但論像真度就總覺有點不足 , 因為在各位腦海中的大鐵人17 , 其實是一套由不同軟硬材料所製成的戲服 , 經由扮演者造出各種經典動作 , 而就是這些一擧手一投足給它注入了生命。
今次介紹的大鐵人17 , 身高46cm(18吋) , 由本地一懷舊玩具店和日本造型師合作 , 以預訂型式作少量發售 。 話說數月前到那玩具店逛逛 , 在其中一個陳列櫃的隱蔽角落 , 看見一個熟識的身影 , 店主把它拿出來並說那是初辦 , 雖然初辦頭部造得有點過大 , 但已可預見修改後將會是非常之高質素 , 加上索價合理 , 所以小弟還未見新版本便立即認購了一隻 , 兩週後收到店長通知可取貨。
果然修改後的頭部更合比例 , 而全身各處均參照戲服的軟硬紋理 , 加上熟識的招牌動作造型 , 使整體有著早前所提到的生命感 !
另外不得不提的是這首辦各個不同顏色部位也是由實色的分件所組合而成的 , 而並非用白件上色 , 這種做法工序繁複之餘更需要仔細的分模設計 , 最終效果十分之理想 , 小弟實在慶幸可以遇到如此難得的高質產品 !
那些乳膠的皺紋 , 笨拙的手套 , 放煙花的噴射器 , 咭紙般的背景建築物 , 通地的沙塵滾滾 , 就是這一切曾在昔日帶給我們很
多美好時光......
Yeah!! 第一個回應LMP兄新Post!! 呢個大鉄人17正到不得了!! 係咪今晩萬聖節小童裝扮嚟?
回覆刪除[BforBOY回覆11/01/2011 21:04:15]嘩嘩嘩☆★☆★☆★個名長到呑一啖ロ水都講唔晒喇^^
[版主回覆11/01/2011 20:58:41]此乃"完全壯絕超極限不可動"版本~
[BforBOY回覆11/01/2011 20:21:35]大鉄人17号其實係咪可以郁D手脚擺Post嫁?
[BforBOY回覆11/01/2011 00:07:52]哈〜咁我等住着你件18号Shirt啦^^!!
[版主回覆11/01/2011 00:02:14]都係好主意wor~
[BforBOY回覆10/31/2011 23:55:15]如果你扮大鉄人17号!! 咁我陪你一齊儍扮細佬18号囉^^!!
[版主回覆10/31/2011 23:51:58]如果有都自己著咗先啦，幾時輪到啲細路~!
有出4罐可樂咁高~!!!!超有型!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
回覆刪除[版主回覆11/01/2011 06:32:18]無錯！真係有4罐可樂咁高！大隻先夠氣勢！
原來你有幫襯我個老友
回覆刪除[版主回覆11/01/2011 23:07:35]其實小弟很久之前在店內見到重噴的百變龍時,就知道店主是的Kitsir的老友了~!
其實造型都好靚，加上分色一流，只可惜可動性很低。
回覆刪除[Kitsir回覆11/04/2011 23:04:05]ok 無問題，不過要睇17的「銷情」如何再決~
[版主回覆11/01/2011 23:24:26]聽店主講好大機會將會造埋18號 , 到時記住通知聲，小弟一定會要一隻~!
[版主回覆11/01/2011 23:11:35]應該是完全不可動 , 不過這已是最經典的pose了 , 就算不可動也不可惜~!
嘩!! 好正呀~ 完全將拍攝道具戲服忠實地呈現。如果可以造多對”大拳頭”手替換就仲正~
回覆刪除[版主回覆11/02/2011 09:14:54]小弟同Jack兄嘅想法一樣，下次同店主反映下先~
似電視版 1-7 服裝.
回覆刪除[版主回覆11/02/2011 12:27:39]所以先特別覺得有親切感~
真係好正,我細個時都好鐘意佢,但你造得佢瘦咗點.
回覆刪除[沒有叮噹回覆11/03/2011 20:35:21]都係瘦咗少少.
[版主回覆11/03/2011 19:15:43]是否當堂唔同睇法呢 ?!
[沒有叮噹回覆11/03/2011 17:49:30]又係喎!
[版主回覆11/03/2011 16:26:59]可能是新系統使圖片變型 , 所以你看到好瘦 , 請按圖就可以在新一頁看到正確比例的原圖~
好吸引呢！如果呢篇加埋《大鐵人》片頭歌就正~ 我10年前左右整過浪漫堂(?)的大鐵人17號同18號(內藏鐵線骨架)，唔駛上色都整到頭都大埋，所以絕對明白你的苦況，能夠有件心愛17號，絕對開心... ^^
回覆刪除[版主回覆11/03/2011 22:01:55]聽你話即時加返中文版既開場同完場歌~!!!
懷念....
回覆刪除[版主回覆11/03/2011 22:04:54]聽著隻歌睇重有feel~
大鉄人17廣東話片頭片尾曲好正呀^^ 聽唔出邊個唱添?
回覆刪除"比你知道,佢係鉄做,力量大過呀嫂!!" d(^ω^)
[BforBOY回覆11/04/2011 00:53:30]哈^^登台即係唱K咁解!!
[BforBOY回覆11/03/2011 22:52:11]嘩!! 多謝LMP兄印晒成首歌詞出嚟^^ 等我下次登台多首飲歌可以唱呀!!
[版主回覆11/03/2011 22:41:07]大鐵人十七 主題曲 唱：趙國慶
(白) 大鐵人出動
(合唱) 俾你知道 佢係鐵做 力量大到無譜
俾你知道 佢係鐵做 用電子發動 即刻起步
(獨唱) 電子科學儀器無數 電子飛人能量無限數
打敗外太空怪物 應該感到自豪
隨時可以發動 隨時迎戰 隨時可以飛到百丈咁高
呢個係大鐵人 隨時隨地殺敵天下無
(合唱) 話你知 俾你知道 佢係鐵做力量大到無譜
俾你知道 佢係鐵做用電子發動 即刻起步
(獨唱) 電子科學儀器無數 電子飛人能量無限數
打敗外太空怪物 應該感到自豪
隨時可以發動 隨時迎戰 隨時可以飛到百丈咁高
呢個係大鐵人 隨時隨地殺敵天下無
(合唱) 話你知 俾你知道 佢係鐵做力量大到無譜
俾你知道 佢係鐵做用電子發動 即刻起步
我都好想擁有,不過太大自己無地方放!
回覆刪除[版主回覆11/03/2011 23:26:32]呢隻絕對抵買，不過又真係幾大隻~
好正呀！！首主題曲原來有中文版？印象中細個睇時電視係日文
回覆刪除[版主回覆11/04/2011 02:07:27]起初在佳藝電視播放時是配上中文歌詞，後來在無線播放時卻用回日文版本~
好正,跟足劇集造型......^^
回覆刪除[版主回覆11/05/2011 07:30:43]不過呢種路線都算重口味，唔係人人都鍾意~
第一次見~~~~~~ 正呀 ^o^, 新blog不及舊版方便..............
回覆刪除[版主回覆11/05/2011 07:34:00]希望會改善吓個回覆系統啦，現在出面睇唔到有新回應~
tks, I'll go check it today.
回覆刪除[版主回覆11/05/2011 10:52:26]FYI : Someone said they saw this at "Ants" as well~
我估如果你幫佢做舊化，效果會仲正~
回覆刪除[版主回覆11/05/2011 11:11:18]小弟都正有咁既打算~
Ants= IN's ?
回覆刪除[版主回覆11/07/2011 18:52:13]螞蟻@兆萬
I coudn't find this shop............皆旺3/f Hero Club
回覆刪除[版主回覆11/07/2011 18:56:24]It may not have the name of the shop showing but the shop sells vintage toys. Just ask the shop owner for it if you do not see one on display. But try Ants shop @兆萬 first , since someone said they saw it at that shop.
好似留唔倒言慨!!
回覆刪除[版主回覆11/13/2011 10:46:14]新版可能有時神神地！
隻全身異形出未呀!!
回覆刪除[版主回覆12/02/2011 14:43:37]快啲訂啦~
[版主回覆11/22/2011 12:19:56]全身異形:
http://www.1999.co.jp/eng/10168169
[版主回覆11/13/2011 10:47:28]未有聲氣，等小弟搵吓料先！
Good Morning LMP兄^^ i want 新Post!! 新Post!! 新Post!!...........(^o^)>
回覆刪除[BforBOY回覆11/15/2011 22:23:46]Yeah!! 好期待呀^^
[版主回覆11/15/2011 22:16:10]OK~ Coming soon~!!!
彩色眼好特別！
回覆刪除[版主回覆11/18/2011 12:58:42]唔知咁既太陽眼鏡會唔會好型~?
我答你...你帶就一定唔會差law...^ ^
回覆刪除[版主回覆11/18/2011 13:14:50]咁橋~我都係咁諗 ! 0v0
咁就証明大家都係潮人..有見地.^ ^
回覆刪除嘩，好令人懷念同經典既大鐵人17號，點解黑色部份有一種皮既感覺，記得11年前，即1999年出過隻電動超合金，好可惜當年無買。
回覆刪除[版主回覆12/02/2011 14:42:33]因為戲服係用乳膠做，彎曲後有皺痕，但係呢件係硬既首辦，全部係靠造型師整出黎。
隻電動超合金都唔難搵，不過好多都壞了齒輪，變唔到型，要搵人修理~
cool.
回覆刪除[版主回覆01/18/2012 09:11:08]Thanks for visiting!!!